ခေါင်းစီးမရှိသောကဗျာ

နှလုံးသားရေးတဲ့သွေးတစ်စက်

ကြွေလွင့်ပျက်စီးဖို့မခံ

သစ္စာမှန်ငါတိုင်တည်

စိတ်ရည်ကြည်ဒီရင်းနှီးမှု

အစပြုလို့သက်ဆုံးတိုင်

အပိုင်ယူသွားမှာ......။

သမိုင်းပေးတဲ့သွေးပုတ်ကွက်

ရေးချေဖျက်ဖို့ အားမတန်

စိတ်အားမာန်စုစည်းလျက်

ခက်ခဲတဲ့ ဒီလိုဒုက္ခ

အဖြေရအောင် သက်ဆုံးထိ

အနိုင်ညှိယူမှာ……။

သွေးရေးတဲ့ဒီရင်းနှီးမှု

သမိုင်းပေးတဲ့ဒီဝတ္တရား (တာဝန်)

အမှားမရှိအောင် စွမ်းဆောင်ရင်းနဲ့

အမှတ်တမဲ့ဖြစ်ခဲ့မှုအတွက်

စိတ်ကွက်မှုတွေသိုဝှက်

စိတ်ပျက်မှုတြွေဖိုဖျက်

စိတ်ဒုက္ခတွေမျိုသိပ်ရင်း

အရိပ်အေးတဲ့ တိုင်းပြည်သစ်ဆီ

အလှမ်းချီကြစို့……။
နွေသစ်ခွ (၂၆.၁၀.၂၀၀၃)

ကျနော့်ဘော်ဒါ လွန်ခဲ့တဲ့ ၃ နှစ်ကျော်ကျော်တုံးက သူအိမ်ပြန်ခါနီး နံနက်မှာပေးသွား ခဲ့တဲ့ကဗျာပါ။ ဒီကဗျာက ခေါင်းစဉ်မရှိသေးပါဘူး။ ကဗျာရဲ့ခေါင်းစဉ်တပ်ခိုင်း ထားပါတယ်။ ကျနော်အကြိမ်ကြိမ် စဉ်းစားပါတယ် ဘာပေးရမယ်မှန်းမသိတာနဲ့ “ခေါင်းစီးမရှိသောကဗျာ” လို့ပေးထားလိုက်မိတယ်။