မျက်ရည်အပြုံးရဲ့ လျှို့ဝှက်ချက်

အထင်သေးပေါ့ ရပါတယ်
ငါ့ကိုယ်ငါလည်း အထင်မကြီးခဲ့
ငါ့အတ္တတွေ ငါ့အတွက်မဟုတ်ဘူးဆိုတာ သိသင့်ပါတယ်
မာနမရှိလည်း နေနိုင်ခဲ့တယ်
ဒါပေမယ့်
ဆူးမရှိရင်ခူးလွယ်တယ်ဆိုတဲ့
ပန်းပွင့်မျိုးမဖြစ်ချင်လို့
ငါ့အိပ်မက်တွေကို ဆူးခတ်ထားတာပါ။

လောဘကြီးတာ ပိုင်ဆိုင်ဖို့အတွက်မဟုတ်သလို
သောကကြီးရတာလည်း အားငယ်တတ်လို့မဟုတ်
ဒါဟာ ၀ိဉာဉ်မဲ့သူအတွက် ငါ့လိပ်ပြာကို ပြန်ပေးဆပ်ခြင်းသက်သက်ပါ။
နားမလည်လည်းနေပါစေ
နင့်မျက်ရည်တွေနဲ့ ငါအဖော်ဖွဲ့နေတတ်ခဲ့ပြီ
ဒါပေမယ့်
ပြုံးလက်စနဲ့ အမုန်းခန်းစီး မဖွင့်လိုက်ပါနဲ့
ကျရံှုးမှုကိုရင်ဆိုင်နိုင်ပေမယ့် ဆုံးရံှုးမှုကိုလက်မခံနိုင်တာ
နင့်မျက်ရည်ကသက်သေတည်မှာပါ။

နွေသစ်ခွ(၁၃။ ၃။ ၀၇)